AP SLPRB – SI Answer Key 2023 : ఏపీ ఎస్ఐ ఫైనల్ రాత పరీక్షల ప్రిలిమినరీ కీ విడుదల.. AP SI Key డైరెక్ట్ లింక్ ఇదే ……
SLPRB AP SI Answer Key 2023 : ఆంధ్రప్రదేశ్లో ఎస్ఐ ఉద్యోగాల భర్తీకి సంబంధించిన ఫైనల్ రాతపరీక్షలు ప్రశాంతంగా ముగిశాయి. తాజాగా పరీక్షకు సంబంధించిన ప్రిలిమినరీ కీ ని APSLPRB బోర్డు విడుదల చేసింది. పరీక్షకు హాజరైన అభ్యర్థులు అధికారిక వెబ్సైట్ APSLPRB నుంచి సబ్జెక్టుల వారీగా కీ ను చెక్ చేసుకోవచ్చు. ఏపీలో ఎస్ఐ మెయిన్స్ పరీక్షలు రాయడానికి 31,193 మంది అభ్యర్థులు అర్హత సాధించగా శనివారం(అక్టోబర్ 14) జరిగిన పేపర్-1 (ఇంగ్లిష్), పేపర్-2 (తెలుగు) పరీక్షలను 30,585 మంది రాశారు. 608 మంది గైర్హాజరయ్యారు.
ఆంధ్రప్రదేశ్ రాష్ట్రవ్యాప్తంగా 411 ఎస్ఐ పోస్టుల భర్తీకి గతేడాది నవంబర్లో పోలీసు నియామక మండలి (APSLPRB) నోటిఫికేషన్ విడుదల చేసిన సంగతి తెలిసిందే. ఈ పోస్టులకు మొత్తం 1,73,047 మంది అభ్యర్థులు దరఖాస్తు చేసుకున్నారు. వీరిలో 1,51,288 మంది అభ్యర్థులు పరీక్షకు హాజరయ్యారు. వీరిలో 57,923 మంది అభ్యర్థులు ఫిజికల్ ఈవెంట్లకు అర్హత సాధించారు. వీరిలో 49,386 మంది పురుషులు, 8537 మహిళలు ఉన్నారు. ఫిజికల్ ఈవెంట్లలో అర్హత సాధించిన 31,193 మంది అభ్యర్థులకు మెయిన్ పరీక్షలు నిర్వహించారు. తాజాగా ఈ పరీక్షలకు సంబంధించి ప్రిలిమినరీ కీ లను కూడా విడుదల చేశారు. త్వరలో ఫలితాలు కూడా విడుదల కానున్నాయి.
